4 Seewanderig Ängubärg – Melchseefrutt vom 12.Juli 2025
Mer hent üs am 12.Juli.2025, om 08.10uhr troffe. Leider semmer uf em falsche Gleis gstande 😊 Met de Zentralbahn rechtig Ängubärg. Agreist send 25 Wanderloschtige ACG Metglider. De hemmer de Schattlebus gno, bis Ängubärg-Titlisbahn. D obe ah cho( Trübsee), semmer de rechtig Jochpass ufe ( 1h10Min)Bim Jochpass hemmer de e chlini Pause gmacht ond hent üs gstärkt met em Suure Moscht ond em Mandelgpifel. Uffallend: Öberall stohd bim Service-Metarbeitende, das Jochpass uf 2222 m.Ü.M esch. Ech han nochegfrogt, ond d Antwort esch schnell cho. 2222 m.Üm esch im 2te Stock vom Rest Jochpass 😊De het Carmen, no e chline Appelle wele sege, ond de esch scho use geit, das ech ( der Schrieber ) darf e Brecht schriebe ….hahahaha. S Wetter esch bis dahin no guet gse. D Wanderig got witer rechtig Ängstlensee. Det send 2 Chinder ab ond dorch di Hecke. Natürli begleitet vo de 2 Erwachsene Persone. Di hend denkt, mer wartet bim Rest. Ängstlensee… hahah hents denkt. Promt semmer per Handy gsucht ond zrog grufe worde. Alles guet. Am See onde, hemmer de picknicket. D Wolke möchet langsam so zue, ond so e onagnähme Wend esch au no do. Witer gotz met de Wanderig rechtig Tannalp. Uf em Wanderwäg esch no e Geis entgegecho. Langsam gseht me bi paarne d Müdikeit ah. Gli hemmers gschafft, no es paar Meter bis zo Melchseefrutt. Witer gotz met de Gondel abe uf Stöckalp. Dete hemmer so knapp, s Postauto verpasst. De hemmer 1Stond Pause gmacht ond di eine oder andere hent es Glace gha oder es Bier. Met em Postauto rechtig Sarne ond witer met de Zentralbahn noch Lozärn. Esch e super gueti ond au e schöni Wanderig gse.
De Bricht het de Roman/ Römsii gschriebe :😊
Fotos: Teilnehmende